Zeere ribbekaste

Wat heb ik noew weer zeere butte
Het aodem dut mie bassens zeer
Want zundag veul ik doar te plekke
Det wun veur miej de zeumde keer.

De telefoon den rinkeln en ,k woal um pakn
Ma ik gleet toen uut opt Laminaa
Doar lei ik helemoa in de krukkels
wat maakn ik miej doar een spagaat.

Wat hek noew piene in de ribbekaste 
Vanmon bin ik doarum noan dokter goan
Hij hef het zaakiej is good bekekn
En zeer heffe doarbiej ok nog edoan.

Hij zei, iej loat in Almelo ma een foto maakn
Want misschien hebbiej een fractuur
In,t zieknhuus kun ziet  good bekieken
Door mös ik we wachen  wel een uur.

Ik had gelukkig toch niks ebrukken
Alleenig ekneust ma det dut ok zeer
As ter op an komt heb ik starke butte
Ik heule het we heele ok disse keer.

Mien Jan den hef zo,n motor gordel
Hij zei ,doet det ding ma um oew lief
Doar zullie we gemak van kriegen
Det huld de ribbekaste strak en stief.

Toen dokter zag dat ik den gordel umme had
Vun den dokter det een good idee
Hij vreug woar Jan det ding ekoch had
In motorzaak zei Jan ,en ik riej der mee.

Mien Jan den vuuln zich een hele kerel
Hij had het toch ma uut edacht
Noew lig ik met zie motorgordel in bedde

Wie is online

We hebben 7 gasten online