Veenmuseum in Westerhaar

In,t Veenmuseum kuj  de aarmood noew nog ziene
En metn  het treintiej deur het venne goan
Wiej zaagn doar ok diej oale plagge hutte
Diej heb ze doar veur oons ma loaten stoan.

Diej leu steun dagea in de bagger
Ziej stükken turf biej rėgn en zun.
Woar noew de heide bleujd en vennepluze
Doar is de veenarbeid  begun

Ziej woon in hutn emaakt van plaggen
Mangs vakea scheef en uut ezakt
De deur besteu uut ma wat plaanken
Met een rookgat uut het plaggedak.  

Diej leu diej han toew bittern aarmood
En ziej han wichter biej de vleet
Diej mossen ok in `t venne  helpm
t Was aarmood troef zo aaj noew weet.

In dissen tied is`t noew zo aanders
Wiej hebt tingzwordig een good bestoan
Ma ziej hebt doar neet van kun plukken
De riekdom is heur neuse veurbiej egoan.

Wie is online

We hebben 8 gasten online